Մադրիդի «Ռեալը» առաջարկ է արել Բիլբաոյի «Ատլետիկին» 18-ամյա դարպասապահ Կեպա Արիզաբալագային գնելու համար։ Այս մասին հաղորդում է AS-ն։

Արիզաբալագայի տրանսֆերային արժեքը կազմում է 1 միլիոն եվրո։ Նշենք, որ ընթացիկ մրցաշրջանում դարպասապահը Իսպանիայի 3-րդ դիվիզիոնում հանդես եկող «Ատլետիկ Բ» թիմի կազմում մասնակցել է 4 հանդիպման և բավական լավ տպավորություն է թողել։

Բասկյան ակումբի մարզչական շտաբը ցանկանում է ամեն գնով թիմում պահել հեռանկարային դարպասապահին, սակայն դեռ հայտնի չէ, թե որ ակումբում նա հանդես կգա նոր մրցաշրջանում։