Արգենտինացու ապագան հարցականի տակ է:

«Յուվենտուսի» տնօրեն Բեպպե Մարոտան հաստատել է, որ հարձակվող Գոնսալո Իգուաինի տրանսֆերի հարցով բանակցությունները Մադրիդի «Ռեալի» հետ ժամանակավորապես դադարացվել են: Մարոտան ու թուրինյան ակումբի նախագահ Անդրեա Անյելին կիրակի օրը ճաշել են «Արքայական» ակումբի ղեկավար Ֆլորենտինո Պերեսի ու գործակալ Էռնեստո Բրոնցետիի հետ:

-Իգուաինն այսօրվա դրությամբ չի գտնվում տրանսֆերային շուկայում, քանի որ «Ռեալը» սպասում է նոր գլխավոր մարզչի նշանակմանը: Այն բանից հետո, երբ պաշտոնապես կայանա նշանակումը, մենք ևս մեկ անգամ կհանդիպենք նրանց հետ,- ասել է Մարոտան Sky Sport Italia-ի հետ զրույցում: