Իսրայել այցելելուց 4 օր առաջ Կրիշտիանո Ռոնալդուի նկատմամբ հետաքրքրությունն այդ երկրում հասել է իր գագաթնակետին: Իսրայելի ֆուտբոլի ֆեդերացիան անգամ ստիպված է եղել լրացուցիչ ծախսեր անել` Պորտուգալիայի հավաքականի աստղի անվտանգությունն ապահովելու համար վարձելով անձնական թիկնապահ: Այս մասին հայտնում է Sport Express-ը:

Ռոնալդուի նկատմամբ այսպիսի հետաքրքրության պարագայում ֆեդերացիան անգամ նախազգուշացում է հրապարակել` կոչ անելով երկրպագուներին խուսափել Պորտուգալիայի հավաքականի միակ մարզմանը ներկա գտնվելու փորձերից:

Հիշեցնենք, որ Աշխարհի առաջնության ընտրական փուլի Իսրայել – Պորտուգալիա հանդիպումը տեղի կունենա մարտի 22-ին: