«Գալաթասարայի» 22-ամյա պաշտպան Սեմիհ Կայան հայտարարել է, որ պատրաստ է դիմակայել Մադրիդի «Ռեալի»առաջատար Կրիշտիանո Ռոնալդուին:

«Ես հարգում եմ Կրիշտիանո Ռոնալդուին, ինչպես ցանկացած այլ ֆուտբոլիստի: Սակայն ես միշտ անում եմ ինձնից կախված ամեն ինչ իմ մրցակցին կանգնեցնելու համար: Նույնը կանեմ նաև արքայական ակումբի հետ խաղում և կփորձեմ դիմակայել պորտուգալացուն:
Թղթի վրա «Ռեալը» ֆավորիտ է: Սակայն մենք ոչ մեկից չենք վախենում: «Շալկեն»նույնպես կարծում էր, որ առաջին խաղում ոչ-ոքին լավ արդյունք է, սակայն բոլորս հիշում ենք, թե ինչպես ավարտվեց ամեն ինչ», – Կայայի խոսքերը մեջբերում է Goal.com-ը:

Հիշեցնենք, որ Չեմպիոնների լիգայի 1/4 եզրափակչի «Ռեալ» – «Գալաթասարայ» հանդիպումը տեղի կունենա վաղը Երևանի ժամանակով 22:45-ին: