Մադրիդի «Ռեալի» կիսապաշտպան Կական հաջորդ մրցաշրջանում կարող է կարիերան շարունակել հայրենիքի «Ֆլամենգո» ակումբի կազմում, հաղորդում է հարավամերիկյան մամուլը:

Պետք է ընդգծել, որ բրազիլական ակումբի ղեկավարությունն ու մարզչական շտաբը իրենց հետաքրքրությունը Կակայի նկատմամբ սկսել են ցույց տալ դեռ 2012 թվականի վերջից: «Ֆլամենգոյի» փոխնախագահ Լուիս Էդուարդո Բապտիստան ձմեռային տրանսֆերային պատուհանի ժամանակ առաջարկ կատարեց, սակայն անձամբ ֆուտբոլիստը հրաժարվեց դիտարկել այդ հնարավորությունը: Սակայն Կակայի դիրքորոշումն այժմ փոխվել է. նա դեռ ցանկանում է իր վրա հրավիրել Բրազիլիայի հավաքականի գլխավոր մարզիչ Լուիշ Ֆելիպե Սկոլարիի ուշադրությունը, ով իրեն չի ընդգրկել Կոնֆեդերացիաների գավաթի խաղարկության թիմի հայտացուցակում:

Ըստ աղբյուրի տեղեկությունների' Adidas հայտնի ընկերությունը, որը «Ֆլամենգոյի» հետ վերջերս երկարաձգել է պայմանագիրը, կօգնի ակումբին գնել Կակայի տրանսֆերը: